O‘zbekiston Respublikasi mustaqilligiga 24 yil to‘lishiga bag‘ishlangan “Mening yurtim – mening faxrim!” keng ko‘lamli televizion tanlovining navbatdagi bosqichi efirga uzatilishni boshladi. Bu haqda O‘zbekiston elektron OAV Milliy Assotsiatsiyasi xabar bermoqda.
Shouning ikkinchi mavsumi premyerasini “Mening yurtim” telekanali hamda hududiy telekanallar efirida har shanba soat 20:30 da tomosha qilish mumkin.
Ikki oy davomida minglab tomoshabinlar o‘zbek estradasi yulduzlarining yorqin chiqishlari va kutilmagan duetlarini kuzatdi va SMS ovoz berish orqali bu aksiyada ishtirok etdi. O‘zbekiston elektron OAV Milliy Assotsiatsiyasi (O‘zEOAVMA) tashabbusi bilan “Mening yurtim” telekanali hamda Sevimli-tv.uz onlayn telekanali hamkorligida tashkil etilgan tanlovning ilk bosqichi joriy yilning mart va may oylarida efirga uzatildi.
Estrada yulduzlari tomonidan kutilmagan duetlar hamda ular tomonidan ijro etilgan Vatan, ota-ona haqidagi qo‘shiqlar, milliy folklor ijrolari ilk mavsumning eng yorqin lahzalaridan bo‘ldi. SMS ovoz berish orqali g‘oliblar aniqlandi. G‘oliblarni taqdirlash marosimi “Jurnalistlar bahori — 2015” an’anaviy festivali daoirasida o‘tkazildi. Muxlislar ovoziga ko‘ra, 1-o‘rinni Masrur Usmonov va Shaxzod Murodov, 2-o‘rinni Lola, Sarvar va Komil, 3-pog‘onani esa Shahzoda va Shoxruhxon egalladi.
Tanlovning ikkinchi bosqichida xonandalar o‘zlarining yangi mualliflik qo‘shiqlarini ijro etadilar.
Izoh (0)