Mobstr taxallusli britaniyalik ko‘cha rassomi katta bo‘lmagan g‘ishtin bino devorini san’at maydoniga aylantirib, salkam bir yil davomida London ma’murlari bilan o‘ziga xos so‘zsiz bahs olib bordi. Uning ushbu tajribasi natijalariga Mashable e’tibor qaratdi, deb yozadi TJournal.
Rassomning aytishicha, u ko‘p yillar ishga shu devor yonidan o‘tib qatnagan va devorning bo‘yalgan qismida qoldirilgan graffiti ustidan yana bo‘yalishi, devorning boshqa qismidagi yozuvlar esa o‘chirib tashlanishini kuzatgan. Aynan shu holat uning tajribasi uchun asos bo‘lib xizmat qilgan.
Mobstr yil davomida kommunal xizmat xodimlarining o‘z ijodiga munosabatini suratga tushirib yurgan, loyiha yakunlangach esa o‘z saytida e’lon qilgan. Rassom o‘zining boshqa ijodiy ishlaridan farqli ravishda, bu hazili nima bilan tugashini bilmaganligini tan oldi.
Quyida ushbu “yozishmalar” aks etgan rasmlar ketma-ketligini ko‘rishingiz mumkin:
Izoh (0)