AQSh Milliy xavfsizlik agentligi (MXA) uzoq vaqt davomida nafaqat Germaniya kansleri Angela Merkelni, balki bir qator vazirliklar rahbarlari, idoralar stats-sekretarlari va boshqa yuqori martabali siyosiy arboblarni ham kuzatib borgan. Bu haqda, WikiLeaks ma’lumotlariga asoslanib, “Vedomosti” xabar bermoqda.
Amerika maxsus xizmatlarining 2010-2012-yillardagi ro‘yxatlarida, jumladan, Germaniya moliya vazirligi telefon va faksi raqamlari ham bor. Bu davrda vazirlikka dastlab Rayner Bryuderle, keyinroq esa Filipp Resler rahbarlik qilgan.
WikiLeaks ma’lumotlariga ko‘ra, kuzatuv ishlari kamida 1990-yillardan olib borilgan. Süddeutsche Zeitung gazetasining qayd etishicha, MXA 1999-yili sobiq moliya vaziri Oskar Lafontenning telefonini eshitib borgan.
OAV ma’lumotlariga ko‘ra, AQShni birinchi galda Germaniyaning iqtisodiy va valyuta siyosati qiziqtirgan.
Izoh (0)