Ўзбекистон Республикаси мустақиллигига 24 йил тўлишига бағишланган «Менинг юртим – менинг фахрим!» кенг кўламли телевизион танловининг навбатдаги босқичи эфирга узатилишни бошлади. Бу ҳақда Ўзбекистон электрон ОАВ Миллий Ассоциацияси хабар бермоқда.
Шоунинг иккинчи мавсуми премьерасини «Менинг юртим» телеканали ҳамда ҳудудий телеканаллар эфирида ҳар шанба соат 20:30 да томоша қилиш мумкин.
Икки ой давомида минглаб томошабинлар ўзбек эстрадаси юлдузларининг ёрқин чиқишлари ва кутилмаган дуэтларини кузатди ва SMS овоз бериш орқали бу акцияда иштирок этди. Ўзбекистон электрон ОАВ Миллий Ассоциацияси (ЎзЕОАВМА) ташаббуси билан «Менинг юртим» телеканали ҳамда Sevimli-tv.uz онлайн телеканали ҳамкорлигида ташкил этилган танловнинг илк босқичи жорий йилнинг март ва май ойларида эфирга узатилди.
Эстрада юлдузлари томонидан кутилмаган дуэтлар ҳамда улар томонидан ижро этилган Ватан, ота-она ҳақидаги қўшиқлар, миллий фолклор ижролари илк мавсумнинг энг ёрқин лаҳзаларидан бўлди. SMS овоз бериш орқали ғолиблар аниқланди. Ғолибларни тақдирлаш маросими «Журналистлар баҳори — 2015» анъанавий фестивали даоирасида ўтказилди. Мухлислар овозига кўра, 1-ўринни Масрур Усмонов ва Шахзод Муродов, 2-ўринни Лола, Сарвар ва Комил, 3-поғонани эса Шаҳзода ва Шохруҳхон эгаллади.
Танловнинг иккинчи босқичида хонандалар ўзларининг янги муаллифлик қўшиқларини ижро этадилар.
Изоҳ (0)