Avtomobil ishlab chiqarish hajmi bo‘yicha Yaponiyaning to‘rtinchi eng yirik shirkati hisoblangan Suzuki Motor’ning rahbari, 85 yoshli Osamu Sudzuki o‘z o‘g‘li – Tosixiro Sudzukini korporatsiyaning yangi prezidenti deb atadi. Bu haqda RBC.ru xabar bermoqda.
56 yoshli Tosixiro Sudzuki 1994-yildan beri Suzuki’da ishlaydi, 2011-yili esa korporatsiyaning to‘rt ijrochi vitse-prezidentidan biriga aylangan edi.
Avvalroq Suzuki rahbari o‘zining merosxo‘ri sifatida kuyovi Xirotaku Ononi tanlamoqchi edi, biroq u 2007-yili saratondan vafot etdi.
Osamu Sudzuki rahbarligida Suzuki Yaponiyaning eng yirik oilaviy korporatsiyalaridan biriga aylandi. Kompaniya prezidenti o‘zgarishi haqidagi xabarlar ta’sirida Suzuki aksiyalari 5,5 foizga qimmatlashdi.
Aksiyalar bozori yopilganidan so‘ng, Suzuki yangi moliyaviy maqsadlarini, xususan, 2020-yilga borib yiliga 3,4 million dona avtomobil ishlab chiqarmoqchi ekanligini ma’lum qildi.
Izoh (0)