Moskvaning Yakimanka ko‘chasida 27-iyun, shanba kuni tongda Porsche avtomobili ishtirokida dahshatli yo‘l-transport hodisasi yuz berdi. Vesti.ru xabariga ko‘ra, zarba shu qadar kuchli bo‘lganki, ustunga borib urilgan avtomobil ikkiga bo‘linib ketgan.
Manbalarning ma’lum qilishicha, avtomobil rulida Irkutsk viloyatining sobiq gubernatori Igor Yesipovskiyning o‘g‘li bo‘lgan. Sobiq gubernatorning o‘zi 2009-yili Baykaldagi vertolyot halokati oqibatida halok bo‘lgan.
LifeNews telekanali ma’lumotlariga ko‘ra, avtomobilning yo‘lovchi o‘rindig‘ida Rossiya o‘yin biznesi assotsiatsiyasi prezidenti Igor Balloning o‘g‘li – 26 yoshli Talya Ballo bo‘lgan, u ham hodisa natijasida vafot etgan.
DAN xodimlari hozirgi vaqtda YTH sabablarini o‘rganishmoqda. Taxminlardan biriga ko‘ra, haydovchi sirpanchiq yo‘lda katta tezlikda harakatlanayotgan avtomobilni boshqara olmay qolgan.
Izoh (0)