Россия президенти Владимир Путин 30 июнь, сешанба куни бизнесмен Алишер Усмонов билан учрашади, дея хабар бермоқда «РБК» президент матбуот котиби Дмитрий Песковга таяниб.
Суҳбат чоғида Усмоновнинг спорт соҳасидаги фаолияти мавзусига тўхталиб ўтилиши кутилмоқда.
Песков, шунингдек Усмонов Халқаро олимпия қўмитасида фаол иш олиб бораётганини таъкидлади.
Нашр эслатишича, сўнгги ҳафталарда Усмоновнинг исми Россия футбол иттифоқи билан боғлиқ ҳолда тез-тез тилга олинмоқда. Гап шундаки, Усмонов Россия футбол иттифоқига Россия термаси бош мураббийи Фабио Капелло билан ҳисоб-китоб қилишга ёрдам бериш мақсадида 300 миллион рубл ажратишини маълум қилди. Бундан аввал, 2015 йил февралида Усмонов РФИга 400 миллион рубллик кредит тақдим этган эди. Алишер Усмонов РФИга тақдим этадиган жами сумма РФИнинг мураббий олдидаги бугунги кунгача бўлган қарзларини ёпади.
Изоҳ (0)