Индонезиянинг Медан шаҳридаги меҳмонхона устига Hercules C-130 ҳарбий самолёти қулаши оқибатида ҳалок бўлганлар сони 38 кишига етди, деб хабар беради «РИА Новости».
Олдинроқ 30 киши ҳалок бўлгани хабар қилинганди.
«Биз 38 та жасадни топдик, улар орасида бир бола ҳам бор», — деди Медан шифохонасининг қутқарув хизмати вакили Эко Трианди. Касалхона вакили ҳалокат жойида яна қурбонлар борлигини таъкидлаган.
Самолёт Медандаги ҳарбий базадан Натуна оролига йўл олаётган бўлган. Гувоҳларнинг сўзларига кўра, самолёт меҳмонхона устида портлаб кетган. C-130 парчалари иккита уй ва электрузатиш симларига зарар етказган.
Дастлабки хабарларга кўра, самолёт бортида 12 нафар экипаж аъзоси ҳамда йўловчилар бўлган. Йўловчилар неча кишини ташкил қилгани ҳозирча аниқ эмас. Учувчилар ҳаво кемасида қандайдир муаммони пайқаган ва базага қайтишга қарор қилган. Самолёт базадан 5 километр узоқликда ортига қайрилган, шундан сўнг ҳалокатга учраган.
Изоҳ (0)