Голландиялик терговчилар Украинадаги «Боинг» қулаган ҳудудда ўрганиш ишларини якунлади. Бу ҳақда Корреспондент.net хабар бермоқда.
Европада хавфсизлик ва ҳамкорлик ташкилоти миссияси кўмагида Донецк вилоятига кирган голландиялик текширувчилар турли жойлардан тупроқ намуналарини олишди, уяли алоқа миноралари жойлашувини аниқлаш ва Украина шарқидаги телефон тармоқлари фаолиятини ўрганиш бўйича тадқиқот ўтказишди.
Олинган маълумотлар Голландияда ўрганилади ва таҳлил қилинади. Қайд этиш жоиз, Голландия вакиллари Донецкдаги тадқиқот ишларини икки ҳафта аввал бошлаган эди.
Эслатиб ўтамиз, Malaysia Airlines’нинг Амстердамдан Куала-Лумпурга MH17 рейси билан учиб кетаётган Boeing 777 самолёти 2014 йил 17 июль куни қулаган эди. Тахминларга кўра, лайнер Донбасс ҳудудидан уриб туширилган. Самолёт бортида бўлган 298 кишининг барчаси ҳалок бўлган.
Изоҳ (0)