Turkiyaning Istanbul shahrida tennis bo‘yicha “Fyuchers” turkumiga kiruvchi turnir davom etmoqda, deb xabar beradi “Olamsport.com”.
Mukofot jamg‘armasi 10 ming AQSh dollaridan iborat bo‘lgan musobaqaning asosiy to‘r bahslarida o‘zbekistonlik Temur Ismoilov ham o‘z imkoniyatini sinovdan o‘tkazyapti.
Turnirda beshinchi raqam ostida tasniflangan Ismoilov ikkinchi davra bahsida rossiyalik Markos Kalovelonis bilan munosabatlariga oydinlik kiritib oldi. Ikki setda 6:4, 6:3 hisobida zafar quchgan Temur chorak finalga yo‘l oldi. Bu bosqichda unga turnirning uchinchi raketkasi latviyalik Martins Podzus qarshilik ko‘rsatadi.
Eslatib o‘tamiz, Ismoilov birinchi davrada ukrainalik Vadim Alekseyenkoni mag‘lub etgandi.
Izoh (0)