Rossiyaning Championat.com nashri Moskvaning “Lokomotiv” klubi futbolchilari oilasi haqida maqola tayyorladi. Maqoladan O‘zbekiston milliy terma jamoasi himoyachisi Vitaliy Denisovning rafiqasi Kristina Denisovaning intervyusi ham o‘rin olgan, deb xabar qiladi “Uff.uz”.
“Vitaliy bilan tanishishimiz juda qiziq bo‘lgan. Darvoqe, yana shuni ham aytishim lozim, bu borada u bilan fikrlarimiz bir-biriga o‘xshamaydi.
Aslida u avvaliga men bilan emas, balki dugonam bilan telefon orqali tanishgan va ular gaplashib turardi. Ammo ularning tanishligi faqat telefon orqali muloqot qilishdan nariga o‘tmagan. Bir safar dugonamning telefoni quvvati tugab qoldi va u mening raqamimdan Vitaliyga qo‘ng‘iroq qildi. Oradan ikki kun o‘tgach Vitalikning o‘zi menga chiqdi. O‘shanda suhbatimiz juda qiziqarli va shu bilan birga kulguli bo‘lgan edi. Ma’lum bo‘lishicha, bizning umumiy tanishlarimiz anchagina ekan. U menga tez-tez qo‘ng‘iroq qilib turadigan bo‘ldi va barchasi shu bilan boshlanib ketdi”, — deydi Kristina Denisova.
Izoh (0)