Rossiya liberal-demokratik partiyasi yetakchisi Vladimir Jirinovskiyning o‘g‘li, Davlat dumasi vitse-spikeri Igor Lebedev Rossiya futbol ittifoqi prezidentligi uchun o‘tkaziladigan saylovlarda ishtirok etadi, deb xabar beradi “Championat.com”.
Bu haqda siyosatchining o‘zi Twitter orqali ma’lum qildi. RFI prezidentligi uchun Lebedevning nomzodini Smolensk futbol federatsiyasi ilgari surdi.
Oldinroq Lebedevni RFI prezidenti etib tayinlashni Davlat dumasining sport qo‘mitasi rahbari Igor Ananskix ham taklif qilgandi.
31-may kuni RFIning avvalgi rahbari Nikolay Tolstix iste’foga chiqarilgan. Ayni vaqtda ittifoqni vitse-prezident Nikita Simonyan vaqtincha boshqarib turibdi.
Saylovlar 2-sentabr kuni RFIning navbatdan tashqari anjumanida o‘tkaziladi. Rossiya sport vaziri Vitaliy Mutko va futbol amaldori Valeriy Gazzayev ham saylovda ishtirok etishini ma’lum qilgan.
Izoh (0)