Taniqli amerikalik aktyor, rejissyor va prodyuser Stiven Sigal jang san’ati bo‘yicha Qozog‘istonda master-klass o‘tkazdi. Unda 70 ga yaqin Qozog‘iston aykido federatsiyasi sportchilari va o‘quvchilar saroyi tarbiyalanuvchilari qatnashdi, deb xabar qiladi “Zakon.kz”.
Stiven Sigal Ostonaga birinchi marta tashkil qilinayotgan Xalqaro jang san’ati festivalida ishtirok etish uchun tashrif buyurgan.
Festivalda Amerika, Qozog‘iston, Xitoy, Rossiya, Chexiya, Janubiy Koreya va Yaponiyaning eng yaxshi kurash ustalari ishtirok etadi. Ushbu festival davomida aykido, jiu-jitsu, karate, taekvondo, qo‘l jangi, kendo, shaolin va boshqa jang turlari bo‘yicha ko‘rgazmali janglar o‘tkaziladi.
Izoh (0)