Lavozimini tark etishini e’lon qilgan FIFA prezidenti Yozef Blatter hali iste’foga chiqmaganini, bor-yo‘g‘i o‘z kelajagini tashkilot kongressiga ishonib topshirganini ma’lum qildi. Bu haqda “TASS” xabar bermoqda.
Blatter FIFAning 29-may kuni bo‘lib o‘tgan kongressida navbatdagi muddatga tashkilot prezidenti etib saylangan edi, biroq saylov arafasida yuz bergan korrupsiya mojarosi sabab, saylanganidan to‘rt kun o‘tib iste’foga chiqishini e’lon qilgandi.
Amaldor FIFA muzeyining ochilishida jurnalistlarning nafaqaga chiqish haqidagi savoliga javob berarkan, jumladan shunday dedi: “Men iste’foga chiqqanim yo‘q, bor-yo‘g‘i o‘z kelajagimni FIFAning navbatdan tashqari kongressiga ishonib topshirdim”.
Eslatib o‘tamiz, FIFAning yangi prezidenti saylovi bo‘ladigan kunni aniqlab olishi kerak bo‘lgan tashkilot ijroqo‘mining navbatdan tashqari majlisi 20-iyul kuni Syurixda bo‘lib o‘tishi kutilmoqda.
Saylovgacha esa 1998-yildan beri FIFAga rahbarlik qilib kelayotgan Blatter prezident vazifasini bajarib turadi.
Izoh (0)