Armanistonda elektr energiyasi narxi oshishiga qarshi namoyish o‘tkazayotganlar Yerevan politsiya bo‘limi boshlig‘i o‘rinbosari Valeriy Osipyanga huquq-tartibot organlari vakillaridan futbol jamoasi tuzishni va ular bilan futbol o‘ynashni taklif qildi, deb xabar qiladi “Newskaz.ru”.
Osipyan taklifni qabul qildi, ammo norozilik aksiyasi faollari bilan futbol uchrashuvi “jamoat tartibi qayta tiklangani”dan so‘ng o‘tkazilishini ta‘kidlab o‘tdi.
“Politsiyachilar hozir o‘z xizmatini o‘tamoqda va futbol o‘ynay olmaydi”, — dedi politsiya boshlig‘i o‘rinbosari.
Namoyishchilardan biri bunga javoban bu holatda aksiya ishtirokchilari to‘p olib kelishini, maydonga esa politsiyachilar pul to‘lashini aytdi.
Ayni vaqtda marshal Bagramyan ko‘chasida osoyishtalik hukm surmoqda. Aksiyada faol ishtirok etmayotgan kishilar namoyishchilar va politsiyachilarga suv, ovqat, muzqaymoq keltirishmoqda.
Eslatib o‘tamiz, Yerevanda elektr narxi oshishi bilan bog‘liq notinchliklar 19-iyunda boshlangandi. 23-iyun kuni politsiya suv otuvchi qurol va kuchdan foydalanib, namoyishchilarni tarqatib yuborgan. Biroq bir kundan so‘ng norozilik aksiyasi qayta tiklangan.
Keyinroq OAV Armaniston prezidenti namoyishchilarga yon bergani haqida xabar berdi. Ammo bu xabar hozircha rasman tasdiqlangani yo‘q.
Izoh (0)