Bugun, 24-iyun kuni jahon futbolining yorqin yulduzlaridan biri Lionel Messi o‘z tavallud ayyomini nishonlamoqda, deb xabar beradi “Interfutbol.uz”.
Futbolchi haqida gap ketsa, u Argentina milliy terma jamoasi va “Barselona” klubining hujumchisi sanaladi. 2011-yilning yozidan beri esa milliy terma jamoada sardor sifatida o‘z faoliyatini olib bormoqda. Zamonaviy futbol va futbolning barcha davrlaridagi eng yaxshi o‘yinchilardan biri sifatida tan olingan.
Tug‘ilgan sanasi, vatani : 1987-yil 24-iyun, Rosario, Argentina.
Turmush o‘rtog‘i: Antonella Rokutsso (2008-yildan buyon).
Farzandi : Tyago Messi
Yillik maoshi 20 million yevroni tashkil qiladi (2014-yildan buyon).
“Barselona” klubining tarbiyalanuvchisi. (17 yoshidan beri asosiy tarkib futbolchisi). U Kataloniya klubi bilan hozirgacha 4 bor Yevropa Chempionlar Ligasini (2005/06, 2008/09, 2010/11, 2014/15), yetti bor Ispaniya chempionatini (2004/05, 2005/06, 2008/09, 2009/10, 2010/11, 2012/13, 2014/15), 3 bor Ispaniya Kubogini (2008/09, 2011/12, 2014/15), 6 bor Ispaniya Superkubogini (2005, 2006, 2009, 2010, 2011, 2013), 2 bor Yevropa superkubogini (2009, 2011), yana 2 bor Xalqaro klublar o‘rtasidagi jahon chempionatini (2009, 2011) yutgan.
Besh bor YeChLning eng yaxshi to‘purari (2008/09, 2009/10, 2010/11, 2011/12, 2014/15) bo‘lgan. Qolaversa, futbol tarixida besh bor ketma-ket YeChL to‘purari bo‘lgan yagona futbolchi. Yana u “Oltin to‘p” sovrinini to‘rt bor qo‘lga kiritgan yagona futbolchi hisoblanadi.
Izoh (0)