Pokiston janubida kuzatilayotgan favqulodda jazirama natijasida vafot etganlar soni 572 kishiga yetdi. Bu haqda “RIA Novosti” xabar bermoqda.
Avvalroq jazirama sabab 474 kishi halok bo‘lgani haqida xabar berilgan edi.
O‘tgan dam olish kunlari Karachida havo harorati Selsiy bo‘yicha 45 darajagacha isigan. Dushanba kuni kuzatilgan yomg‘ir esa issiq taftini biroz qaytargani qayd etilgandi.
Shifokorlar fuqarolarga quyosh ostida ko‘p yurmaslikni va paxtadan tayyorlangan yengil liboslardan foydalanishni tavsiya qilishmoqda.
News International gazetasi ma’lumotlariga ko‘ra, jazirama vaqtida elektr energiyasining uzoq vaqt o‘chirib qo‘yilayotgani sabab mamlakatning bir qator tumanlarida norozilik namoyishlari ham bo‘lib o‘tgan.
Sinoptiklarning ma’lumotlariga ko‘ra, yaqin bir necha kun davomida Pokistonning ko‘plab hududlarida kuchli yog‘ingarchilik yuz berishi mumkin. Shunga qaramay, kelasi hafta jaziramaning yangi to‘lqini yopirilishi kutilmoqda.
Izoh (0)