Chechenistonda “qonundagi o‘g‘rilar”ning yig‘ilishi bo‘lib o‘tdi. RBC.ru’ning xabar berishicha, yig‘ilish 2013-yili Qirg‘izistondagi qamoqdan muddatidan avval chiqarilgan Aziz Batukayev tomonidan tashkil etilgan bo‘lishi mumkin.
“Rosbalt”ning xabar berishicha, Chechenistondagi yig‘ilishga Moskvadan to‘rt nafar “qonundagi o‘g‘ri”, jumladan, Oleg Shishkanov (Shishkan) mafiyasining slavyan qanoti yetakchilaridan biri ham tashrif buyurgan.
Uchrashuvda kriminal hamjamiyatda chechen vakillari sonini oshirish masalalasi, shuningdek, nufuzli chechen oilasining qonli qahriga uchragan “qonundagi o‘g‘ri” Kaxaber Parpaliya (Kaxa)ning taqdiri muhokama qilingan.
Yig‘ilish qatnashchilari yaqin oylar ichida kriminal hamjamiyat vakillarining yanada kengroq uchrashuvini tashkil etish masalasini ham ko‘rib chiqishgan.
Checheniston hukumati, shuningdek, mintaqaviy huquqni muhofaza qilish organlari “qonundagi o‘g‘rilar”ning mazkur uchrashuvi haqida rasman hech qanday axborot bergani yo‘q.
Izoh (0)