Boliviya Rim papasining tashrifi katta tayyorgarlik ko‘rmoqda. “TASS”ning xabar berishicha, 8-10-iyul kuni papa Fransisk tashrif bilan Boliviyaga keladi va bu yerda uni ko‘plab sovg‘alar kutib turibdi.
Xususan, Rim papasiga koka yaproqlari unidan tayyorlangan tort taqdim etiladi. Rim papasi bu shirinlikni aynan koka o‘simligidan tayyorlangan mate choyi bilan birga tanovul qilishi mumkin bo‘ladi.
Qayd etish joiz, koka o‘simligidan kokain giyohvand moddasi olinadi, biroq uni chaynash And madaniyatining bir bo‘lagi hisoblanadi. Boliviya hokimiyati tepasiga 2006-yili Evo Morales kelganidan beri, mamlakat hukumati xalqaro maydonda koka yetishtirish va undan foydalanishni qonuniylashtirish bo‘yicha keng miqyosli ish olib bormoqda.
Rim-katolik cherkovi rahbari Fransisk Boliviyaga Ekvadordan keladi va so‘ng Paragvayga yo‘l oladi. Janubiy Amerika bo‘ylab bu safarga turnesi davomida Rim papasi o‘z vatani Argentinaga kirmaslikka qaror qilgan – uning tashrifi mamlakatdagi bo‘lajak prezident sayloviga salbiy ta’sir qilishi mumkinligi aytilmoqda.
Izoh (0)