Боливия Рим папасининг ташрифи катта тайёргарлик кўрмоқда. «ТАСС»нинг хабар беришича, 8-10 июль куни папа Франциск ташриф билан Боливияга келади ва бу ерда уни кўплаб совғалар кутиб турибди.
Хусусан, Рим папасига кока япроқлари унидан тайёрланган торт тақдим этилади. Рим папаси бу ширинликни айнан кока ўсимлигидан тайёрланган мате чойи билан бирга тановул қилиши мумкин бўлади.
Қайд этиш жоиз, кока ўсимлигидан кокаин гиёҳванд моддаси олинади, бироқ уни чайнаш Анд маданиятининг бир бўлаги ҳисобланади. Боливия ҳокимияти тепасига 2006 йили Эво Моралес келганидан бери, мамлакат ҳукумати халқаро майдонда кока етиштириш ва ундан фойдаланишни қонунийлаштириш бўйича кенг миқёсли иш олиб бормоқда.
Рим-католик черкови раҳбари Франциск Боливияга Эквадордан келади ва сўнг Парагвайга йўл олади. Жанубий Америка бўйлаб бу сафарга турнеси давомида Рим папаси ўз ватани Аргентинага кирмасликка қарор қилган – унинг ташрифи мамлакатдаги бўлажак президент сайловига салбий таъсир қилиши мумкинлиги айтилмоқда.
Изоҳ (0)