Chili terma jamoasi va “Yuventus” klubi yarim himoyachisi Arturo Vidal o‘zi bilan bog‘liq avtohalokatda jabr ko‘rgan haydovchiga yangi avtomobil va 14 ming yevro taklif qilmoqda, deb xabar beradi “Uff.uz”.
Eslatib o‘tamiz, Vidal shirakayf holda avtomobilini boshqargan va qarshi tomondan kelayotgan ulov bilan to‘qnashib ketgan edi. Oqibatda qarshi tomondan kelgan avtoulov haydovchisi Felipe Gonsales jarohat olgan. Shuningdek, Vidalning rafiqasi ham jabr ko‘rgan.
Xabar qilinishicha, Vidal o‘zi tufayli jabr ko‘rgan haydovchiga yangi avtomobil va 14 ming yevro taklif qilmoqda. Felipe Gonsalesning otasi aytishicha, hozircha bu borada kelishuvga erishilmagan. Vidal esa hamon jabrlanuvchidan kechirim so‘ramagan.
Izoh (0)