KXDR terma jamoasi Janubiy Koreyadagi Universiadaga boykot e’lon qildi

KXDR terma jamoasi Seulda BMTning KXDRdagi inson huquqlari bo‘yicha idorasi ochilishiga norozilik tariqasida Kvanju (Janubiy Koreya)dagi Universiadada qatnashishdan bosh tortdi, deya xabar bermoqda “RIA Novosti”. BMT ofisi joriy haftada ochiladi.

3—14-iyul kunlari bo‘lib o‘tadigan musobaqalarga Shimoliy Koreya 75 sportchi va 33 rasmiy shaxs yuborishi ko‘zda tutilgan edi, biroq KXDR elektron pochta orqali Universiada tashkiliy qo‘mitasiga xat yozib, jamoa Kvanjuga bormasligini ma’lum qildi.

Xatda rad javobining siyosiy sabablari, jumladan BMT ofisi ochilishi va harbiy nizo keltirilgan.