Rossiya prezidenti Vladimir Putin sobiq xotini Lyudmila hamda qizlari Mariya va Yekaterina bilan yaxshi munosabatlarni saqlab qolgan. Bu haqda Rossiya yetakchisi Sankt-Peterburgdagi dunyoning eng yirik axborot agentliklari rahbarlari bilan uchrashuvda aytib o‘tdi, deb yozadi Forbes.
Prezident e’tirof etishicha, ba’zan u oilasi bilan mayda-chuydalar haqida suhbatlashib, kechasi soat ikkigacha ham uxlamaydi. “Mening kelajak uchun atalgan rejalarim bor, menda hammasi joyida”, — dedi Putin jurnalistlarning shaxsiy hayoti haqidagi savoliga javob berar ekan.
Hindistonning IANS agentligi yozishicha, o‘tgan yili Rossiya prezidenti uning ehtimoliy yangi nikohi haqidagi savolga salbiy munosabat bildirgan edi. “Men siyosatchilar oynadan yasalgan uyda yashashini bilaman, albatta, lekin bunday holatlarda ham qandaydir chegara bo‘lishi kerak”, — degan edi u o‘tgan yili Sardiniya (Italiya)da bo‘lib o‘tgan matbuot anjumanida.
Lyudmila va Vladimir Putin ajrashuvi haqida 2013-yil iyunida e’lon qilgan edi.
Izoh (0)