Россия президенти Владимир Путин собиқ хотини Людмила ҳамда қизлари Мария ва Екатерина билан яхши муносабатларни сақлаб қолган. Бу ҳақда Россия етакчиси Санкт-Петербургдаги дунёнинг энг йирик ахборот агентликлари раҳбарлари билан учрашувда айтиб ўтди, деб ёзади Forbes.
Президент эътироф этишича, баъзан у оиласи билан майда-чуйдалар ҳақида суҳбатлашиб, кечаси соат иккигача ҳам ухламайди. «Менинг келажак учун аталган режаларим бор, менда ҳаммаси жойида», — деди Путин журналистларнинг шахсий ҳаёти ҳақидаги саволига жавоб берар экан.
Ҳиндистоннинг IANS агентлиги ёзишича, ўтган йили Россия президенти унинг эҳтимолий янги никоҳи ҳақидаги саволга салбий муносабат билдирган эди. «Мен сиёсатчилар ойнадан ясалган уйда яшашини биламан, албатта, лекин бундай ҳолатларда ҳам қандайдир чегара бўлиши керак», — деган эди у ўтган йили Сардиния (Италия)да бўлиб ўтган матбуот анжуманида.
Людмила ва Владимир Путин ажрашуви ҳақида 2013 йил июнида эълон қилган эди.
Изоҳ (0)