Eron parlamenti yadroviy dastur bo‘yicha kelishuv imzolanishi bilan barcha sanksiyalar bir vaqtda bekor qilinishini talab etmoqda. Bu haqda “TASS” xabar bermoqda.
Deputatlar chorshanba kuni aynan shunday bayonot bilan Eron rahbariyatiga murojaat qildi, deya xabar bermoqda Press-TV telekanali.
“185 nafar deputat (jami 290 nafar) Eron yadroviy dasturi bo‘yicha bo‘lajak umumiy bitim barcha sanksiyalar – ham BMT Xavfsizlik kengashi va Yevropa Ittifoqi tomonidan, ham AQSh Kongressi va ma’muriyati tomonidan joriy etilgan jazo choralarining barchasi bitim imzolangan kunning o‘zidayoq bekor qilinishini nazarda tutishi uchun ovoz berdi”, - deyiladi telekanal xabarida.
Eron parlamenti mazkur hujjatni hukumatni mamlakat xalqining yadroviy sohadagi huquqlari va yutuqlarini himoya qilish chaqiruvi bilan qabul qilingan.
Izoh (0)