Birlashgan Arab Amirliklari hukumati internet orqali bir-birini haqorat qiladiganlarga nisbatan og‘ir jazolar tayinlaydi, deb xabar qiladi The Daily Mirror.
Bundan buyon internet orqali haqorat qilish kiberjinoyatga tenglashtiriladi. BAA fuqarolari buning uchun qamoqqa tushishi va 250 ming dirham (taxminan 67 ming dollar) jarima to‘lashi, chet el fuqarolari esa mamlakatdan chiqarib yuborilishi mumkin.
WhatsApp orqali hamkasbini haqoratlagan amirlik fuqarosi yangi qonun doirasida jazolandi. Dastlab sud uni 780 dollar jarimaga tortdi, ammo Abu-Dabi Oliy sudi bu jazoni juda yengil deb hisobladi va uni bekor qildi. Endi bu ish bo‘yicha yangi sud majlisi o‘tkaziladi.
Izoh (0)