Tbilisi hayvonot bog‘idan qochgan pingvin Ozarbayjonga qadar suzib bordi

Suv toshqini vaqtida Tbilisi hayvonot bog‘idan qochib ketgan Afrika pingvini Gruziya-Ozarbayjon chegarasidagi Qizil ko‘prikdani topildi, deya xabar bermoqda “Gazeta.ru”.

“15 daqiqa avval bizga qo‘ng‘iroq qilib, Qizil ko‘prik ostida pingvin suzib yurganini aytishdi. Uni Tbilisiga qaytarish uchun guruh yo‘lga chiqdi”, - deyiladi xabarda.

Qayd etishlaricha, Tbilisi hayvonot bog‘i Afrika pingvinlarini 2014-yil iyulida Buyuk Britaniyaning Torki shahrida joylashgan Living Coasts zooparkidan sovg‘a sifatida qabul qilib olgandi.