May oyida Germaniya kansleri Angela Merkelning bundestagdagi idorasi xakerlik hujumiga uchragan. Bu haqda RBC.ru xabar bermoqda.
Bild nashrining xabar berishicha, Germaniya parlamentida umumiy hisobda 15 ta zararlangan kompyuter topilgan, ularning beshtasidan ma’lumotlar o‘g‘irlangan.
Sotsial-demokratik partiyadan saylangan deputat Martin Burkert uning ishchi kompyuteri zararlanganini tasdiqlagan. Gazetaning qayd etishicha, kompyuter troyan virusi bilan zararlangan, xakerlarning shaxsi va qaysi davlatga mansubligi hozircha aniqlanmagan.
Germaniya parlamentiga qarshi xakerlik hujumi uyushtirilgani haqida may oyi o‘rtalarida Spiegel jurnali xabar bergandi. O‘shanda bu axborotni bundestag matbuot kotibi ham tasdiqlagan edi.
Izoh (0)