Май ойида Германия канцлери Ангела Меркелнинг бундестагдаги идораси хакерлик ҳужумига учраган. Бу ҳақда RBC.ru хабар бермоқда.
Bild нашрининг хабар беришича, Германия парламентида умумий ҳисобда 15 та зарарланган компьютер топилган, уларнинг бештасидан маълумотлар ўғирланган.
Социал-демократик партиядан сайланган депутат Мартин Буркерт унинг ишчи компьютери зарарланганини тасдиқлаган. Газетанинг қайд этишича, компьютер троян вируси билан зарарланган, хакерларнинг шахси ва қайси давлатга мансублиги ҳозирча аниқланмаган.
Германия парламентига қарши хакерлик ҳужуми уюштирилгани ҳақида май ойи ўрталарида Spiegel журнали хабар берганди. Ўшанда бу ахборотни бундестаг матбуот котиби ҳам тасдиқлаган эди.
Изоҳ (0)