“Barselona” klubi va Argentina terma jamoasi hujumchisi Lionel Messining 20 yoshgacha bo‘lgan futbolchilar o‘rtasidagi jahon chempionatida ishtirok etganiga 10 yil bo‘ldi.
U-20 yoshlar o‘rtasidagi jahon chempionati 2005-yilda Gollandiya yashil maydonlarida o‘tkazilgan va musobaqa 10-iyun sanasida boshlangandi. Messi to‘p tepadigan Argentina termasi esa 11-iyundan turnirdagi ishtirokini boshlagandi. Birinchi uchrashuvda 0:1 hisobida AQShga imkoniyatni boy bergan argentinaliklar turnirning qolgan barcha o‘yinlariga g‘alaba qozondi.
Gollandiya—2005’dagi Argentinaning birinchi golini ham Messi kiritdi. Jamoa ketma-ket Misr, Germaniya, Kolumbiya, Ispaniya, Braziliya va finalda Nigeriyani mag‘lubiyatga uchradi. Turnirda 6 ta to‘p kiritgan Messi chempionatning eng yaxshi to‘purari va eng yaxshi o‘yinchisi sovrinlarini qo‘lga kiritgan.
O‘n yil ilgari yuqoridagi surat olingan vaqtda argentinalik futbolchini ko‘pchilik tanimas edi. Ammo hozirda Lionel Messi zamonaviy futbolning eng kuchli o‘yinchilaridan biri hisoblanadi va u 4 marta “Oltin to‘p”ni qo‘lga kiritgan birinchi futbolchi bo‘ldi.
Eslatib o‘tamiz, Xalqaro sport tadqiqotlari markazi (CIES) Messini zamonamizning eng qimmat futbolchisi deb topdi.
Izoh (0)