Namangan shahrida tennis bo‘yicha sovrin jamg‘armasi 15 ming AQSh dollaridan iborat “Fyuchers” turniri davom etmoqda, deb xabar beradi “Olamsport.com”.
Asosiy to‘r bahslarida ikkinchi davra ishtirokchilari ma’lum bo‘ldi. Unda besh nafar o‘zbekistonlik tennischi kurashni davom ettirish huquqiga ega bo‘ldi.
Saida’lo Saidkarimov jamoadoshi Grigoriy Reytmanni 6:0, 6:2 hisobida taslim etdi. Uning chorak final yo‘lidagi raqibi turnirning birinchi raketkasi ukrainalik Denis Molchanov bo‘ladi. Iste’dodli tennischi Jo‘rabek Karimov esa qirg‘izistonlik tajribali raketka ustasi Daniyar Duldayevga 5:7, 3:6 hisobida imkoniyatni boy berib qo‘ydi.
O‘zbekiston vakillaridan ikkinchi davrada ishtirok etish huquqini Temur Ismoilov, Sanjar Fayziyev, Botir Sapayev va Saidvoris Saidmuhammedov qo‘lga kiritdi. Bugun, 10-iyun kuni ikkinchi davra uchrashuvlari o‘tkaziladi.
Izoh (0)