1-iyun — Xalqaro bolalarni himoya qilish kuni munosabati bilan o‘zbek estradasi xonandasi Nilufar Usmonova bolalar uchun Open Air ko‘ngilochar dasturini tashkil qildi, deb xabar beradi “Daryo” mobil muxbiri.
Art House do‘koni oldida ochiq havoda tashkillashtirilgan tadbirga alohida mehmonlar taklif qilinmadi, shu sababli istagan odam unda ishtirok etishi mumkin bo‘ldi. Nilufarning o‘zi ham bolalari bilan tashrif buyurdi.
Mashhur bolalar qo‘shiqlari yangrayotgan vaqtda, bolakaylar Nilufar bilan birgalikda qog‘oz, tosh va matolarga surat chizdi.
Bundan tashqari, turli shirinlik, popkorn, shirinpaxta, ichimliklar to‘la bo‘lgan kendibar tashkil etildi. Shu kuni face painting (yuzga surat chizish) bolajonlar orasida nihoyatda ommalashdi.
Izoh (0)