Бирлашган Араб Амирликлари президенти шайх Халифа бин Заид Ал Наҳаяннинг хайрия ташкилоти Рамазон ойида икки миллион порция таомни бепул тарқатади, дея хабар бермоқда «РИА Новости».
Мамлакатда 105 та текин овқатланиш пунктлари ташкил қилинади, у ерга рўза вақти тугагач, исталган кишилар кириши мумкин бўлади. Шунингдек қадоқланган егуликлар чет элга гуманитар ёрдам сифатида жўнатилади.
Ушбу лойиҳа шайх Халифанинг хайрия ташкилоти томонидан кетма-кет саккиз йилдан буён амалга оширилмоқда. Бу йил тарқатиладиган таомларнинг барчаси БАА туб аҳолисининг 600 та оиласида пиширилади.
Изоҳ (0)