Xalqaro futbol assotsiatsiyalari federatsiyasi (FIFA) sobiq vitse-prezidenti Jek Uorner Janubiy Afrika Respublikasidan 2010-yilgi jahon chempionatini u yerda o‘tkazishni yoqlab ovoz berish uchun 10 million dollar pora olganligi to‘g‘risidagi ayblovlarni rad etdi, deya xabar bermoqda “TASS”.
Pul FIFAning chempionat o‘tkazilishini moliyalashtirishga mo‘ljallangan mablag‘laridan olinib, Uorner boshqargan Shimoliy va Markaziy Amerika hamda Karib havzasi mamlakatlari futbol konfederatsiyasi (KONKAKAF) hisobiga o‘tkazilgan.
“Janubiy Afrika menga 10 million dollar pora bergani yo‘q. FIFA prezidenti Yozef Blatter menga hech qanday pora bergani yo‘q, — dedi Uorner. — Ehtiyot bo‘ling, Jek Uornerga qazilayotgan chuqurga tushib ketmang”.
Janubiy Afrika hukumati 10 million dollar KONKAKAFga Afrika diasporasi orasida futbolni rivojlantirish uchun o‘tkazilganini ma’lum qildi. Biroq AQSh prokuraturasi Uorner mablag‘ni o‘z hisoblariga ko‘chirganiga ishonch bildirmoqda.
Izoh (0)