YouTube videoxostingi Ramzan Qodirov va Chechenistondagi vaziyat haqida hikoya qiluvchi filmga qo‘yilgan blokni olib tashladi, deya xabar bermoqda Meduza.
“Otkritaya Rossiya” saytida aytilishicha, videoservis ma’muriyati “T&K Prodakshn” MChJ xo‘jayini Ilyos Sinbulatovning shikoyatini ko‘rib chiqqan va uni rad etgan.
Eslatib o‘tamiz, 2-iyun kuni “Otkritaya Rossiya” jamoatchilik tashkilotining “Oila. Putin o‘z o‘g‘li deb atagan Ramzan Qodirov haqida film” filmi mualliflik huquqlari buzilishi bo‘yicha shikoyatlar tufayli YouTube’da bloklab qo‘yilgan edi.
Film ustidan shikoyatni “T&K Prodakshn” MChJ xo‘jayini Ilyos Sinbulatov yozgan, biroq u filmning aynan qayerida mualliflik huquqlariga zid bo‘lgan narsalarni ko‘rganiga aniqlik kiritilmagan.
Yarim soatlik film 2015-yil 25-mayda taqdim etildi. U Chechenistonda kuch tuzilmalari qanday ishlashi, Ramzan Qodirovning Rossiya hukumatidagi roli, o‘g‘irliklar va Ahmad Qodirov nomidagi jamg‘arma faoliyati haqida hikoya qiladi.
Izoh (0)