Rossiyaning Tula viloyatida yashovchi yetti yoshli Evelina Savushkina Rossiya prezidenti Vladimir Putindan labrador zotli kuchuk bolasini sovg‘a sifatida oldi, deya xabar bermoqda Interfax viloyat hukumati matbuot xizmatiga tayanib.
Qizaloqqa itni mintaqa rahbari Vladimir Gruzdev topshirdi, u labrador qizga sodiq do‘st bo‘lishiga umid bildirdi. Ta’kidlanishicha, kuchukcha rasmiylashtirilgan pasport, shuningdek parvarishlash va boqish uchun zarur barcha vositalar bilan birga berilgan.
Matbuot xizmatidagilar aniqlik kiritishicha, Savushkina davlat rahbariga maktub yozib, unga labrador kuchukchasini sovg‘a qilishni so‘ragan. Qizcha onasi unga it olib bera olmasligini, biroq o‘zi kuchukcha boqishni juda istashini yozgan.
Izoh (0)