Hindiston shimoli-sharqidagi Buksar shahri yaqinida sodir bo‘lgan yo‘l-transport hodisasi natijasida olti kishi halok bo‘ldi, 24 kishi jabrlandi, deya xabar bermoqda “TASS” mahalliy politsiya bo‘limiga tayanib.
Avariya kunduz kuni Bixar shtati poytaxti Patnadan 140 km masofada yangi kelin-kuyov va mehmonlar nikoh marosimidan qaytib kelayotganida ro‘y berdi. Dastlabki ma’lumotlarga ko‘ra, avtobus haydovchisi boshqaruvni yo‘qotgan, mashina trassadan chetga otilib, ag‘darilib ketgan.
Yordamga shoshgan mahalliy aholi avtobusdan jabrlanganlarni chiqarib olishga muvaffaq bo‘ldi. Ularning o‘n nafariga voqea joyida tibbiy yordam ko‘rsatildi, qolgan 14 kishi kasalxonaga yetkazildi.
Izoh (0)