Meksikalik oligarx Karlos Slim AQShning Nyu-York shahri Manxetten okrugidagi uyini 80 million dollarga sotmoqda, deb yozadi “Gazeta.ru”.
Umumiy maydoni 1850 kvadrat metrdan ziyod bo‘lgan uyda jami 25 ta xona bo‘lib, shulardan 10 tasi yotoqxona va 11 tasi kaminli mehmonxonadir. Shuningdek vannaxonalar soni 10 tadan oshiq. Biznesmenning o‘zi uyni 36 million dollarga sotib olgan.
Forbes jurnalining dunyodagi eng boy kishilar bo‘yicha so‘nggi reytingida Karlos Slim ikkinchi o‘rinni egalladi. Uning asosan telekommunikatsiyalar sohasida ishlab topilgan davlati bir yilda 5,1 milliard dollarga ko‘paydi va endilikda 77,1 milliard dollarni tashkil etdi. Avvalroq u reytingda bir necha marta yetakchilik qilgan.
Izoh (0)