28-may kuni “Rossiya” telekanalida chechenistonlik 47 yoshli politsiya boshlig‘i va 17 yoshli qizning nikohiga bag‘ishlangan “Mingyillik to‘yi: Luiza nega yig‘ladi?” deb nomlangan ko‘rsatuv efirga uzatildi. Bu haqda “Nur.kz” xabar bermoqda.
Reportaj chog‘ida boshlovchiga Ramzan Qodirov hamrohlik qildi. Ular birgalikda Najud Guchigov va Luiza Goylabiyevaning uyiga bordi, u yerda Checheniston yetakchisi o‘z xalqiga xos bo‘lgan ba’zi oilaviy an’analarni ko‘rsatib va tushuntirib berdi.
Jurnalist politsiyachining yosh rafiqasi bilan suhbatlashib, undan turmushga o‘z xohishi bilan chiqqan-chiqmaganligini so‘radi. Qiz bunga javoban nikohga o‘zi rozilik berganini ta’kidladi.
Eslatib o‘tamiz, Guchigov va Goylabiyevaning nikohi 16-may kuni Grozniy nikoh saroyida qayd etilgan edi. Tadbirga Qodirovning o‘zi tashrif buyurib, uni “mingyillik to‘yi” deb atagan va lezginka raqsiga tushgan edi.
Izoh (0)