Hindistonning janubiy shtatlarida kuzatilayotgan favqulodda jazirama sabab vafot etganlar soni 750 kishidan oshib ketdi, deb xabar qiladi “RIA Novosti”.
Oldinroq 150 kishi halok bo‘lgani haqida xabar berilgandi.
Andxra-Pradesh shtatida issiqlik natijasida 551 kishi halok bo‘ldi, ularning ko‘pchiligi so‘nggi 4 kun ichida vafot etdi. Telangan shtatida 200 ga yaqin kishi, Orissa va G‘arbiy Bengaliya shtatlarida 36 kishi hayotdan ko‘z yumdi.
Meteorologlarning ma’lumotlariga ko‘ra, yaqin kunlar davomida havo harorati yuqoriligicha qoladi. Jaziramadan aziyat chekayotgan shtatlar ma’muriyati fuqarolarni ehtiyot choralarni ko‘rishga va zarurat bo‘lmasa ko‘chaga chiqmaslikka chaqirmoqda.
Qayd etish joiz, yilning bu davrida mintaqada havo harorati 40 darajadan yuqori bo‘lishi odatiy holdir.
Izoh (0)