Daniyaning 24/7 radiostansiyasi boshlovchisi Asger Yul 25-may kuni jonivorlar huquqlarini himoya qilishga bag‘ishlangan eshittirishning to‘g‘ridan-to‘g‘ri efirida quyon bolasini o‘ldirdi, deya xabar bermoqda “TASS”.
Uning so‘zlariga ko‘ra, u shu tariqa qirollik fuqarolarining bu muammoga ikkiyuzlamachilik bilan munosabatda bo‘lishini ko‘rsatib bermoqchi bo‘lgan.
“Daniyaliklar har kuni go‘sht yeydi, biroq qotillik tushunchasiga toqat qila olmaydi, — dedi boshlovchi hodisadan so‘ng. — Bu bema’nilik. Axir go‘sht yeyish uchun jonivorni o‘ldirish kerak”.
“Men tamaddi qilib olishim kerak, demak bu hayvon mening istagimni qondirish uchun o‘lishi kerak”, — dedi u kechki ovqatga quyon go‘shtli taom yeyishini aytar ekan.
Yul jonivorni o‘ldirish orqali odamlarni o‘ylashga majbur qilmoqchi va bahs-munozara keltirib chiqarmoqchi bo‘lganini ta’kidladi. Biroq eshittirishdan keyin daniyaliklar OAV va ijtimoiy tarmoqlarda ushbu hodisa yuzasidan norozilik bildirdi.
Izoh (0)