Ҳиндистоннинг жанубий штатларида кузатилаётган фавқулодда жазирама сабаб вафот этганлар сони 750 кишидан ошиб кетди, деб хабар қилади «РИА Новости».
Олдинроқ 150 киши ҳалок бўлгани ҳақида хабар берилганди.
Андхра-Прадеш штатида иссиқлик натижасида 551 киши ҳалок бўлди, уларнинг кўпчилиги сўнгги 4 кун ичида вафот этди. Теланган штатида 200 га яқин киши, Орисса ва Ғарбий Бенгалия штатларида 36 киши ҳаётдан кўз юмди.
Метеорологларнинг маълумотларига кўра, яқин кунлар давомида ҳаво ҳарорати юқорилигича қолади. Жазирамадан азият чекаётган штатлар маъмурияти фуқароларни эҳтиёт чораларни кўришга ва зарурат бўлмаса кўчага чиқмасликка чақирмоқда.
Қайд этиш жоиз, йилнинг бу даврида минтақада ҳаво ҳарорати 40 даражадан юқори бўлиши одатий ҳолдир.
Изоҳ (0)