Chivinlar uchun qopqon yasaymiz (video)

Yoz kelishi bilan kishini bezor qila boshlaydigan chivinlarga qarshi kurashish usullari talaygina. Bunday maqsadda qo‘llash mumkin bo‘lgan moslamalarni do‘konlardan xarid qilish mumkin. Biroq “Sviter.co” sayti taqdim etgan usul uy sharoiti uchun bo‘lib, bu aralashmani uyda bor narsalardan tayyorlash mumkin.

Buning uchun oddiy plastik butilka, jigarrang shakar (oddiy oq shakardan ham foydalanish mumkin), drojji (quruq xamirturush) va iliq suv kerak bo‘ladi.

Plastik idishni bo‘yniga qarab ingichkalasha boshlagan joyidan ikkiga bo‘lamiz. Kesilgan idishga shakar, suv va xamirturushni solamiz. Ushbu aralashma bir necha metr radiusdagi chivinlarni o‘ziga jalb etadi. Hasharotlar qayta uchib ketmasligi uchun idishning bo‘ynini teskari qilib, idishga solib qo‘yamiz. Shu tariqa, chivinlar qopqondan chiqib keta olmaydi.