Zarafshon shahrida MChJlardan birining rahbari shu lavozimda 2012—2013-yillar va 2014-yilning 9 oyi mobaynida faoliyat yuritgan, deb xabar qiladi “Uz24”.
Aniqlanishicha, u tegishli normativ-huquqiy hujjatlar talablariga zid ravishda 9 milliard 185 million 503 ming so‘mlik xaridorgir va tez sotiluvchi tovarlarni naqd pulga sotib, savdodan tushgan naqd pul mablag‘larini nazorat-kassa mashinasidan o‘tkazmay hamda bank muassasiga topshirmay, boshqa maqsadlarda ishlatib yuborgan.
Rahbar noqonuniy qilmishlarini yashirish maqsadida MChJning tekshiruv davrigacha bo‘lgan moliyaviy faoliyati bilan bog‘liq xazina kitobi, xazina hisobotlari, bosh kitob, ish haqini hisoblash, ishonch qog‘ozlarini ro‘yxatga olish, qarzdorliklarni ro‘yxatga olish, hisob-varaq fakturalarini ro‘yxatga olish kitoblari, oborot vedomostlari, hisob-varaq fakturalari va boshqa birlamchi buxgalteriya hujjatlarini qasddan nobud qilgan. Bu haqda O‘zbekiston Bosh prokuraturasining “Huquq” nashri yozadi.
Qonunbuzar tadbirkorga nisbatan sud hukmi e’lon qilingan.
Izoh (0)