Зарафшон шаҳрида МЧЖлардан бирининг раҳбари шу лавозимда 2012—2013 йиллар ва 2014 йилнинг 9 ойи мобайнида фаолият юритган, деб хабар қилади «Uz24».
Аниқланишича, у тегишли норматив-ҳуқуқий ҳужжатлар талабларига зид равишда 9 миллиард 185 миллион 503 минг сўмлик харидоргир ва тез сотилувчи товарларни нақд пулга сотиб, савдодан тушган нақд пул маблағларини назорат-касса машинасидан ўтказмай ҳамда банк муассасига топширмай, бошқа мақсадларда ишлатиб юборган.
Раҳбар ноқонуний қилмишларини яшириш мақсадида МЧЖнинг текширув давригача бўлган молиявий фаолияти билан боғлиқ хазина китоби, хазина ҳисоботлари, бош китоб, иш ҳақини ҳисоблаш, ишонч қоғозларини рўйхатга олиш, қарздорликларни рўйхатга олиш, ҳисоб-варақ фактураларини рўйхатга олиш китоблари, оборот ведомостлари, ҳисоб-варақ фактуралари ва бошқа бирламчи бухгалтерия ҳужжатларини қасддан нобуд қилган. Бу ҳақда Ўзбекистон Бош прокуратурасининг «Ҳуқуқ» нашри ёзади.
Қонунбузар тадбиркорга нисбатан суд ҳукми эълон қилинган.
Изоҳ (0)