Checheniston rahbari ma’muriyati boshlig‘i Magomed Daudovning Rossiyada ko‘pxotinlilikni qonuniylashtirish haqida bildirgan taklifiga Kreml izoh berishni istamadi, deb xabar qiladi “RBK”.
Rossiya prezidentining matbuot kotibi Dmitriy Peskov Daudovning bayonotini ko‘rmaganini aytib o‘tdi. “Agar siz diqqat bilan qarab, keyin menga ko‘rsatsangiz, men sizning savolingizga javob beraman”, — dedi Peskov.
Checheniston prezidenti ma’muriyati boshlig‘i ko‘pxotinlilikni rasmiylashtirish fikrini bildirgandi: “Ko‘pxotinlilik qonuniylashtirilsa, yaxshi bo‘lardi. Ammo hammasi shariat bo‘yicha bo‘lishi lozim: agar erkak yana bir xotinni boqishga qurbi yetsa, nima uchun bunday qilmaslik kerak?”
Daudov bunday holatlar keng tarqalgani, shuning uchun uni qaysidir yo‘l bilan hal qilish kerakligini ta’kidladi. Pop Vsevolod Chaplin ham ko‘pxotinlilikni yoqlab chiqdi.
47 yoshli militsiya boshlig‘i Najud Guchigov va 17 yoshli Luiza Goylabiyevaning nikoh to‘yidan so‘ng ko‘pxotinlilik masalasi Shimoliy Kavkazda asosiy muhokama mavzusiga aylandi.
Izoh (0)