Afg‘oniston poytaxti Kobul shahrining diplomatik tumanida 19-may, seshanba kuni kuchli portlash yuz berdi. Bu haqda “RIA Novosti” xabar bermoqda.
Mahalliy TOLO News telekanali ma’lumotlariga ko‘ra, portlash Afg‘oniston Adliya vazirligi yaqinidagi avtoturargohda ro‘y bergan.
Portlash joyiga xavfsizlik xizmati xodimlari va tez tibbiy yordam karetalari yetib kelgan.
Hodisa tafsilotlari oshkor etilmayapti. Yuz bergan portlash natijasida halok bo‘lganlar va jabrlanganlar to‘g‘risidagi ma’lumotlar hozircha yo‘q.
Izoh (0)