O‘zbekiston hukumati 2015-yilning birinchi choragida umumiy qiymati 49,6 million dollarga teng 76 ta grant jalb qildi. Bu haqda O‘zbekiston Moliya vazirligi matbuot xizmati xabar berdi.
Huquqni muhofaza qilish va bojxona organlarini texnik jihozlash yo‘nalishi bo‘yicha 2 grant jalb etilgan bo‘lib, ularning umumiy qiymati 5,9 million dollarga teng.
Qishloq va suv xo‘jaligi sohasidagi loyihalar uchun 2,4 million dollar (6 grant), ijtimoiy himoya va madaniyat rivojlantirish maqsadlari uchun 1,6 million dollar (10 grant), zamonaviy informatsion-kommunikatsion texnologiyalarni tatbiq etish uchun esa 1,2 million dollarlik (3 grant) grantlar jalb etilgan.
Iqtisodiyot, moliya bozori va tadbirkorlikni rivojlantirish yo‘nalishida 0,7 million dollar (4 grant), davlat xizmati organlarini moddiy-texnikasini va institutsional rivojlanishini ta’minlash 0,6 million dollar (5 grant), ekologiya sohasidagi loyihalar uchun 0,4 million dollar (5 grant) va boshqa yo‘nalishlardagi loyihalar uchun 1,3 million dollarlik (3 grant) grantlar jalb qilingan.
Izoh (0)