Ўзбекистон ҳукумати 2015 йилнинг биринчи чорагида умумий қиймати 49,6 миллион долларга тенг 76 та грант жалб қилди. Бу ҳақда Ўзбекистон Молия вазирлиги матбуот хизмати хабар берди.
Ҳуқуқни муҳофаза қилиш ва божхона органларини техник жиҳозлаш йўналиши бўйича 2 грант жалб этилган бўлиб, уларнинг умумий қиймати 5,9 миллион долларга тенг.
Қишлоқ ва сув хўжалиги соҳасидаги лойиҳалар учун 2,4 миллион доллар (6 грант), ижтимоий ҳимоя ва маданият ривожлантириш мақсадлари учун 1,6 миллион доллар (10 грант), замонавий информацион-коммуникацион технологияларни татбиқ этиш учун эса 1,2 миллион долларлик (3 грант) грантлар жалб этилган.
Иқтисодиёт, молия бозори ва тадбиркорликни ривожлантириш йўналишида 0,7 миллион доллар (4 грант), давлат хизмати органларини моддий-техникасини ва институционал ривожланишини таъминлаш 0,6 миллион доллар (5 грант), экология соҳасидаги лойиҳалар учун 0,4 миллион доллар (5 грант) ва бошқа йўналишлардаги лойиҳалар учун 1,3 миллион долларлик (3 грант) грантлар жалб қилинган.
Изоҳ (0)