O‘zbekistonda Google korporatsiyasi tomonidan Tayvanning HTC kompaniyasi bilan hamkorlikda chiqarilgan Nexus 9 planshet kompyuteri sotila boshladi, deya xabar bermoqda “Mobinfo.uz”. Qurilma 2014-yil oktabrida Nexus 6 smartfoni bilan bir qatorda taqdim etilgan edi.
Nexus 9 8,9 dyuymli va 2048×1440 pikselli displey, to‘rt yadroli Nvidia Tegra K1 chipi, 8 megapikselli asosiy va 1,6 megapikselli old kamera, 6700 mA/s sig‘imli akkumulyator, 16 Gb ichki xotira (+microSD)ga ega.
Planshet Android 5.0 Lollipop operatsion tizimida ishlaydi.
Poytaxtning “Fleshka” savdo majmuasida Nexus 9 2,6 million so‘mdan sotilmoqda.
Izoh (0)